ძიება საიტზე

სიახლეების გამოწერა

თბილისში Yandex Go-მ აამოქმედა ტარიფი „სატვირთო“ დიდი მოცულობის ტვირთის გადაზიდვისთვის

თბილისში Yandex Go-მ აამოქმედა ტარიფი „სატვირთო“ დიდი მოცულობის ტვირთის გადაზიდვისთვის

თბილისში Yandex Go-ს აპლიკაციაში ახლა შესაძლებელია სატვირთო მანქანის გამოძახება. ახალი მომსახურება დაგჭირდებათ, თუ აპირებთ საცხოვრებლად სხვაგან გადასვლას, მაღაზიიდან ახალი დივანის ან რემონტისთვის სამშენებლო მასალების წამოღებას. კომპანიებს ტარიფი „სატვირთო“ დაეხმარება საქონლის ან მოწყობილობის ერთი წერტილიდან მეორემდე  მიტანაში. დიდი ზომის ნივთებისთვის სატვირთო მანქანის შეკვეთა ისეთივე იოლია, როგორც ჩვეულებრივი მანქანის შეკვეთა. მგზავრობაზე თვალის დევნება კი შესაძლებელია პირდაპირ აპლიკაციაში.

თბილისში მგზავრობების ღირებულება ახალი ტარიფით 35 ლარიდან იწყება. ღირებულებაში შედის ჩატვირთვის 10 წუთი და გადმოტვირთვის 10 წუთი, ასევე 15 კილომეტრი გზა და დრო გზაში შეზღუდვების გარეშე. მაგალითად, ასეთი ღირებულება ექნება ტვირთვის გადაზიდვას ელიავას ბაზრობიდან შალვა ნუჩუბიძის ქ., 207-მდე. მგზავრობის ღირებულება ცნობილია წინასწარ – საკმარისია შეიყვანოთ აპლიკაციაში დანიშნულების წერტილის მისამართი. ნივთების ჩატვირთვა-გადმოტვირთვის დამატებითი დროის ღირებულება გაანგარიშდება წუთობრივად და არა საათობრივად და შეადგენს 0,35 ლარს/წუთში. ლარს/წუთში. ამიტომ მომხმარებლები იხდიან მხოლოდ იმ დროის ღირებულებას, რა დროსაც იკავებს ტვირთის მიტანა.

სატვირთო მანქანასთან ერთად შესაძლებელია ერთი მტვირთავის გამოძახება, რომელიც დაგეხმარებათ სიმძიმეების გადატანაში. ეს ოფცია განთავსებულია მგზავრობის დეტალებში (მარჯვნივ ღილაკისგან „შეკვეთა“) და ითვალისწინებს დამატებით გადასახადს. ერთადერთი შეზღუდვა ის არის, რომ თითოეული საგნის წონა არ უნდა აღემატებოდეს 20 კგ-ს.

„სატვირთო“ ტარიფით შეკვეთაზე მოვა დიდი ტევადობის მანქანები. მაგალითად, Ford Transit, Mercedes-Benz Sprinter. სატვირთო მანქანაში შესაძლებელია მოთავსდეს ბევრი ყუთი ნივთებით, საშუალო ზომის დივანი, ველოსიპედი და სამზარეულო ქურა.

Yandex Go-ში ასევე ხელმისაწვდომია მომსახურება „მიტანა“, რომლის საშუალებითაც შესაძლებელია მცირე ზომის ნივთების და დოკუმენტების მიწოდება ქალაქის ფარგლებში.

საქართველოში Yandex Go-ში გაერთიანებულია რამდენიმე სერვისის შესაძლებლობები: მანქანის სწრაფი შეკვეთა, ნივთების გაგზავნა, ტვირთების ტრანსპორტირება და საზოგადოებრივი ტრანსპორტის განრიგი. ყველაფერი ერთად ერთ აპლიკაციაში საშუალებას აძლევს მომხმარებლებს, სწრაფად მოაგვარონ ქალაქში გადაადგილებასთან დაკავშირებული ნებისმიერი საკითხი.